Erlendir uppreisnarmenn ryðja sér til rúms í Sýrlandi

Erlendum íslamistum sem nú berjast við hlið uppreisnarmanna í Sýrlandi hefur fjölgað þó nokkuð á síðustu vikum. Þetta segir franskur læknir sem hefur á síðustu vikum hlúð að fórnarlömbum átakanna í Aleppo, fjölmennustu borg Sýrlands.

Hinn sjötíu ára gamli Jacques Beres, sem einnig hefur starfað í borgunum Homs og Idlib, sagði Reuters fréttaveitunni í gær að rúmur helmingur þeirra uppreisnarmanna sem hann hlúði að hafi verið erlendir íslamistar sem komið hafi til Sýrlands til að steypa Bashar al-Assads, Sýrlandsforseta, af stóli.

Markmið þeirra að sögn Beres er að koma á sharia-lögum á í landinu.

Franskir öfgamenn eru á meðal þessara erlendu uppreisnarmanna. Margir þeirra sögðust vera innblásnir af morðingjanum Mohammed Merah sem myrti sjö manns í Toulouse í mars á þessu ári.