Eldri systirin komin til meðvitundar

Eldri dóttir bresku hjónanna sem skotin voru til bana í Chevaline við frönsku Alpana fyrr í vikunni er nú komin til meðvitundar. Stúlkan er sjö ára gömul. Hún særðist alvarlega í skotárásinni og hefur verið haldið sofandi síðan þá. Stúlkan hafði bæði verið skotin í öxlina og barin.

Franski saksóknarinnar Eric Maillud sagði í dag að stúlkan væri mögulega lykilvitni í málinu. Franskir og breskir rannsóknarlögreglumenn hafa ekki gefið upp hvort að húsleit á heimili fjölskyldunnar í Bretlandi hafi borið árangur og enn er allt á huldu um ástæður morðárásarinnar.

Yngri systir stúlkunnar, sem faldi sig undir líki móður sinnar, er nú í umsjá ættingja sinna í Bretlandi.