Assange verður í sendiráðinu næstu mánuði

Julian Assange, stofnandi gagnaveitunnar WikiLeaks, gerir ráð fyrir að dvelja í sendiráðsbyggingu Ekvadors í Lundúnum næstu mánuði. Þetta sagði hann í samtali við fjölmiðla í Ekvador í gær.

Assange hefur verið ákærður fyrir kynferðisbrot í Svíþjóð en hann telur líklegt að stjórnvöld þar í landi muni falla frá ákærunni. Assange hefur dvalið í sendiráðsbyggingunni frá því í júní en hann flúði þangað til að komast hjá framsali til Svíþjóðar.

William Haugue, utanríkisráðherra Bretlands, sagði í dag að algjör óvissa væri um næstu skref í máli Assange sem nú hefur verið veitt hæli í Ekvador. Yfirvöld í Bretlandi telja sig bera skyldu til að framselja Assange til Svíþjóðar.