Fjögur ár frá flugslysinu í Madríd

Í dag eru fjögur ár liðin frá því að flugvél frá Spanair-flugfélaginu hrapaði á Madrídarflugvelli með þeim afleiðingum að 154 fórust.

Vélin var á leið til Las Palmas á Kanaríeyjum með 172 innanborðs þegar eldur kom upp í öðrum hreyfli vélarinnar stuttu eftir flugtak. Átján lifðu flugslysið af. Flugmálayfirvöld á Spáni ætla að minnast fórnarlambanna með minningarathöfn á flugvellinum í dag.

Þrátt fyrir að fjögur ár séu liðin frá þessu versta flugslysi í sögu Spánar í þrjá áratugi hefur rannsóknarnefnd flugslysa í landinu ekki lokið rannsókn sinni á slysinu og því er enn allt óljós um upptök eldsins í hreyflinum. Þó er vitað að flugmaðurinn sá óeðlilega mikinn hita á hreyfla-mælum rétt fyrir flugtak. Vélinni var þá snúið við og málið rannsakað. Klukkutíma síðar hóf hún sig til flug með þessum skelfilegu afleiðingum.

Spanair lenti í miklum fjárhagslegum erfiðleikum eftir slysið sem endaði með því að flugfélagið var úrskurðað gjaldþrota í byrjun þessa árs.