The Expendables 2 þénaði 3,5 milljarða um helgina

Kvikmyndin The Expendables 2 var tekjuhæsta myndin í Bandaríkjunum um helgina. Tekjur myndarinnar námu tæpum 29 milljónum bandaríkjadala, eða sem samsvarar 3,5 milljörðum íslenskra króna.

The Expendables 2 er hasarmynd sem skartar helstu vöðvatröllunum í Hollywood í aðalhlutverki, en þar á meðal eru Sylvester Stallone, Arnold Schwarzenegger, Jean-Claude Van Damme og fleiri. Hlutverk Schwarzeneggers í myndinni er eitt hans stærsta siðan að hann lét af embætti sem fylkisstjóri í Kalíforníu í fyrra.