Rosie O'Donnell fékk hjartaáfall

Íturvaxna leikkonan Rosie O´Donnell sagði frá því á vefsíðu sinni í gær að hún hefði fengið hjartaáfall í síðustu viku. Í færslunni þakkar O´Donnell fyrir það að vera á lífi og lýsir atburðunum þannig að á þriðjudaginn hafi hún verið að hjálpa konu út úr bíl sínum í New York.

Fáeinum klukkustundum eftir það hafi hún fundið fyrir verki í brjóti og eymsli í báðum handleggjum. Síðar hafi hún fundið fyrir ógleði, hita og síðan hafi hún ælt. Hún segist vita að þetta séu hefðbundin einkenni hjartaáfalls hjá konum þó að einkennin séu allt öðruvísi hjá körlum.