Alltof margir reykja - fátækir kaupa sígarettur í staðinn fyrir mat

Þrátt fyrir að gríðarlegum fjármunum hefur verið eytt í herferðir gegn reykingum á síðustu árum reykja alltof margir.

Þetta sýnir ný könnun sem framkvæmd var á dögunum í fjórtán löndum en um 250 þúsund manns voru spurðir út í reykingarvenjur sínar. Yfir fjörutíu prósent karlmanna í lágtekju og millitekjuríkjum reykja og fleiri ungar konur í heiminum byrja á þessum óskunda.

Í tveimur fjölmennstu ríkjum heims, Indlandi og Kína, eru flestir nýir reykingarmenn og hlutfall þeirra sem hafa hætt í löndunum, auk Egyptalands, Bangladesh og Rússlands, er jafn lágt og það var í Bandaríkjunum fyrir fimmtíu árum. Flestir reykingarmenn eru í Rússlandi.

Í niðurstöðum rannsóknarinnar kemur einnig fram að flestir reykingarmenn á Vesturlöndum eiga efni á því að reykja, en þeir fáttækustu kaupa sígarettur í staðinn fyrir mat fyrir fjölskyldur sínar. Á tuttugustu öldinni hafa yfir 100 milljónir látið lífið vegna reykinga og í lok þeirrar tuttugustu og fyrstu, þeirri sem við lifum á nú, verður hægt að rekja dauðsföll milljarðs manna til reykinga, áætlar alþjóðaheilbrigðisstofnunin.

Sjá niðurstöður könnunarinnar hér.