Sonur Gaddafis fyrir rétt í september

Réttarhöld yfir Saif al-Islam Gaddafi, syni og erfingja fyrrverandi einræðisherra Líbíu, Mumars Gaddafi, fara fram í Líbíu í september.

Talsmaður ákæruvaldsins í Líbíu tilkynnti þetta í dag. Saif, sem er fertugur, var einn helsti ráðgjafi og aðstoðarmaður Muammars Gaddafi en hann var myrtur af uppreisnarmönnum í október síðastliðnum.

Alþjóðaglæpadómstóllinn í Haag hefur gefið út handtökuskipun á hendur Saif og er hann sakaður um glæpi gegn mannkyni.

Saif hefur ítrekað lýst því yfir að hann vilji að mál sitt verði tekið fyrir í Haag. Farið málið fyrir dómstóla í Líbíu á hann yfir höfði sér dauðarefsingu.