Íshellan á Norðurpólnum ekki minni síðan 1979

Vísindamenn hjá geimferðastofnun Bandaríkjanna, NASA, segja að íshellan yfir Norðurpólnum hafi ekki verið minni síðan árið 1979 þegar NASA hóf að mæla hana reglulega með upplýsingum frá gervihnöttum.

Hún gæti minnkað ennfrekar því yfirleitt mælist hún minnst í september ár hvert. Vísindamennirnir segja að þessi þróun sýni fram grundvallarbreytingar á Norðurpólsísnum.

Fyrir utan að íshellan minnkar hefur hún einnig þynnst töluvert. Ástæður fyrir þessari miklu bráðnun Norðurpólsísins í ár stafar einkum af óvenjuheitu sumri á norðurhveli jarðar í ár.