Eftirlýsti klámmyndaleikarinn sást í París

Kanadíski klámmyndaleikarinn sem grunaður er um hrottalegt morð er sagður hafa sést tvisvar sinnum í Frakklandi um helgina. Sömuleiðis hefur lögreglan numið merki úr farsíma hans og rakið þau til Parísar. Því bendir allt til þess að hann hafi flúið til Frakklands. Ekki er vitað hvort hann er enn staddur þar eða hvort hann hefur haldið áfram.

Klámmyndaleikarinn, Luka Rocco Magnotta, sem er 29 ára, er eftirlýstur af Interpol. Hann er grunaður um að hafa myrt elskhuga sinn og sent líkamsparta hans í pósti til stjórnmálaleiðtoga í landinu.

Merki frá farsíma Magnotta voru rakin til hótels og veitingastaðar í Bagnolet. Lögreglan kannar nú hvort hann hafi flúið frá París með rútu.

Hér má lesa umfjöllun BBC um málið.