Íbúar El Salvador fögnuðu fyrsta morðlausa deginum í þrjú ár

Íbúar í El Savador höfðu ástæðu til að fagna eftir síðustu helgi þegar í ljós kom að laugardagurinn hafði liðið án þess að morð væri framið í landinu. Íbúar þessa Mið-Ameríkuríkis höfðu fram að því ekki upplifað morðlausan dag í ein þrjú ár.

Morðtíðni í El Savlador er sú hæsta í heiminum en þar hafa verið framin allt að 18 morð á dag undanfarin ár eða sem svarar til 66 morða á hverja 100.000 íbúa á hverju ári að jafnaði. Það er einkum barátta milli fíkniefnagengja í landinu sem veldur hinni háu morðtíðni í landinu.