Segir að það komi ekki til greina að búa áfram við krónuna

Jóhanna Sigurðardóttir sagði á flokkstjórnarfundi Samfylkingarinnar í morgun að ekki komi til greina að búa við krónuna áfram. Þá sagði hún jafnframt að rammaáætlun verði afgreidd úr ríkisstjórninni á allra næstu dögum. Til stóð að lokaútgáfa hennar yrði lögð fyrir ríkisstjórnina í gær, en hætt var við á síðustu stundu.

Jóhanna Sigurðardóttir flutti setningarræðu á flokkstjórnarfundir Samfylkingarinnar Í ræðu sinni gerði hún meðal annars fyrirhuguð lög um nýtt fiskveiðistjórnunarkerfi að umtalsefni auk rammaáætlunar.

Þingflokkur Samfylkingar er klofinn í afstöðu sinni til rammaáætlunar, eða réttara sagt þeim þætti hennar sem fjallar um fyrirhugaða virkjanakosti í Þjórsá og hvort þeir eigi að vera í nýtingarflokki eða biðflokki.

Til stóð að lokaútgáfa rammaáætlunar um verndum og nýtingu Þjórsár yrði lögð fyrir ríkisstjórnina í gær, en hætt var við á síðustu stundu þar sem Samfylkingin var ekki reiðubúin til að taka lokaafstöðu. Bæði Fréttablaðið og Morgunblaðið fjalla um málið á forsíðum sínum í dag.

Rammaáætlunin er því enn á borði iðnaðarráðherra. Til stendur að taka málið upp á þingflokksfundi Samfylkingar á mánudag. En Jóhanna sagðist í dag vonast til að málið yfrið svo afgreitt úr ríkisstjórn á allra næstu dögum.

„Afgreiðsla málsins hefur sannarlega tafist og hafa ýmsir af því tilefni varað við því að fagleg sjónarmið verði látin víkja fyrir pólitískum," sagði Jóhanna í ræðu sinni og bætti við:

„Nú er verið að leggja lokahönd á hvort og þá hvernig tillögu sérfræðingahópsins verði breytt í ljósi þeirra umsagna sem borist hafa og hefur sú vinna reynst tímafrekari en ráð var fyrir gert," sagði Jóhanna.

Jóhanna sagði að að þær breytingar á rammaáætlun sem nú eru til skoðunar á síns byggja á því að frekari rannsóknir þurfi til að gæta varúðarsjónarmiða í hvívetna.

„Rétt er að undirstrika að þær breytingar sem eru í skoðun ættu ekki að hafa áhrif á þau fjárfestingarverkefni sem nú eru í undirbúningi enda hafa orkufyrirtækin úr fjölda annarra virkjanakosta að velja, sem hægt er að hefja vinnu við um leið orkusalan er tryggð. Megináhersla Landsvirkjunar í þessum efnum er og mun á næstu árum verða á uppbyggingu orkukosta á Norð-Austurlandi."