Innlent

Landsbankinn tilkynnti meint brot Gunnars til stjórnar FME

Mynd GVA
Starfsmaður Landsbankans, sem liggur undir grun um brot á lögum um meðferð trúnaðarupplýsinga innan bankans, hefur verið settur í ótímabundið leyfi frá störfum á meðan rannsókn stendur yfir.

Mál hans tengist kæru stjórnar Fjármálaeftirlitsins á hendur Gunnari Andersen, fyrrum forstjóra eftirlitsins, en hann er grunaður um að hafa orðið sér úti um gögn um fjármál Guðlaugs Þórs Þórðarson, þingmanns, með ólögmætum hætti.

Í tilkynningu frá Landsbankanum segir að þegar grunur kom upp um miðlun trúnaðargagnanna hafi bankinn sent tilkynningu um málið til Fjármálaeftirlitsins.

Landsbankinn segir að brot á trúnaðarupplýsingum séu litin mjög alvarlegum augum innan bankans en málið er í rannsókn hjá lögreglu.

Tilkynningu Landsbankans má lesa hér fyrir neðan:

Í ljósi frétta um aðkomu starfsmanns Landsbankans varðandi miðlun trúnaðargagna um tiltekin viðskiptavin, þá vill bankinn koma því á framfæri að öll brot á meðferð trúnaðarupplýsinga innan bankans eru litin mjög alvarlegum augum.

Þegar að grunur kom upp um miðlun trúnaðargagna þá sendi bankinn tilkynningu um málið til Fjármálaeftirlitsins.

Starfsmaður bankans er liggur undir grun er kominn í ótímabundið leyfi frá störfum meðan að rannsókn á málinu stendur yfir.

Málið er til rannsóknar hjá lögreglu og getur bankinn því ekki tjáð sig frekar um málið.


Tengdar fréttir

Stjórn FME boðar til blaðamannafundar

Stjórn Fjármálaeftirlitsins hefur boðað til blaðamannafundar klukkan tíu. Ástæða fundarins er uppsögn Gunnars Þ. Andersen, forstjóra FME. Fylgst verður með framvindu fundarins hér á Vísi.

Efnahags- og viðskiptaráðuneytið ber fullt traust til stjórnar FME

Að mati efnahags- og viðskiptaráðuneytisins hefur stjórn Fjármálaeftirlitsins (FME), með brottrekstri forstjórans Gunnars Andersen, gert það sem henni bar við þær aðstæður sem komið höfðu upp og nýtur stjórnin fulls trausts ráðuneytisins.

Gunnar lýsir sig saklausan af sakargiftum

"Gögn frá Landsbankanum um umræddan stjórnamálamann hefur umbjóðandi minn aldrei séð þrátt fyrir fullyrðingar fjölmiðla nú í dagum hið gagnstæða.“ Þetta kemur fram í yfirlýsingu frá Gunnari Þ. Andersen, sem hann sendi á fjölmiðla vegna brottreksturs síns frá Fjármálaeftirlitinu. Þá hefur hann verið kærður til lögreglu fyrir að afla gagna með ólögmætum hætti. Það var RÚV sem greindi frá því að gögnin sem hann fékk í hendur hafi varðar Guðlaug Þór Þórðarson, þingmanns Sjálfstæðisflokksins.

Nýja eða gamla Ísland?

Mörg stór orð hafa fallið um deilur Gunnars Andersen, forstjóra Fjármálaeftirlitsins, og stjórnar stofnunarinnar undanfarnar vikur. Óhætt er að segja að stjórnin hafi staðið höllum fæti í umræðunni, enda verið tregari til að tjá sig en forstjórinn.

Gunnar kærður til lögreglunnar

Stjórn FME hefur kært Gunnar Þ. Andersen til lögreglu samkvæmt yfirlýsingu frá stjórninni. Ástæðan sem er tilgreind er sú að Gunnar kann að hafa brotið af sér í starfi með því að afla sér trúnaðarupplýsinga úr bankakerfinu með ólögmætum hætti.

Krefst svara vegna uppsagnar Gunnars

Birkir Jón Jónsson, fulltrúi Framsóknarflokksins í efnahags- og viðskiptanefnd, hefur óskað eftir fundi í nefndinni til að fara yfir stöðu Fjármálaeftirlitsins.

Á að hafa aflað sér gagna um fjármál þingmanns með ólögmætum hætti

Stjórn Fjármálaeftirlitsins ákvað að kæra Gunnar Andersen forstjóra stofnunarinnar til lögreglu fyrir að afla sér gagna um fjármál Guðlaugs Þórs Þórðarsonar þingmanns með ólögmætum hætti. Starfsmaður Landsbankans mun samkvæmt heimildum hafa komið með gögnin heim til Gunnars í fyrradag. Þetta kom fram í hádegisfréttum RÚV.

Skúli hættir að verja Gunnar vegna trúnaðarbrests

Skúli Bjarnason hrl., sem hefur gætt hagsmuna Gunnars Þ. Andersen, hefur sagt sig frá málinu vegna trúnaðarbrests. Í yfirlýsingu sem Skúli sendi frá sér fyrir skömmu segir að nýja upplýsingar sem fram komu í uppsagnarbréfi í gær og skýrðust með ákveðnum hætti í gærkvöldi, hafi komið sér í algerlega opna skjöldu og séu til þess fallnar að setja málið í nýjan farveg.

Guðlaugur Þór: "Grafalvarlegt og með ólíkindum ef rétt reynist“

Guðlaugur Þór Þórðarson, þingmaður Sjálfstæðisflokksins, hefur ekki fengið formlega staðfestingu á því að Gunnar Þ. Andersen, fyrrverandi forstjóri Fjármálaeftirlitsins, hafi komist yfir gögn um fjárhag þingmannsins, með ólögmætum hætti. Stjórn FME hefur kært Gunnar fyrir að hafa komist yfir gögnin, auk þess sem hann var rekinn í morgun.

Mest lesið


Fleiri fréttir

Sjá meira


×

Mest lesið