Gunnar lýsir sig saklausan af sakargiftum

„Gögn frá Landsbankanum um umræddan stjórnamálamann hefur umbjóðandi minn aldrei séð þrátt fyrir fullyrðingar fjölmiðla nú í dag um hið gagnstæða."

Þetta kemur fram í yfirlýsingu frá Gunnari Þ. Andersen, sem hann sendi á fjölmiðla vegna brottreksturs síns frá Fjármálaeftirlitinu. Þá hefur hann verið kærður til lögreglu fyrir að afla gagna með ólögmætum hætti. Það var RÚV sem greindi frá því að gögnin sem hann fékk í hendur hafi varðar Guðlaug Þór Þórðarson, þingmanns Sjálfstæðisflokksins.

Gunnar lýsir sig saklausan af sakargiftum og sakar stjórn FME um útúrsnúninga. Gunnar lýsir sig hinsvegar sekan í tilkynningunni um að hafa trúað því í eitt augnablik í hita leiksins „að réttlætið myndi sigra og Nýja Ísland rísa."

Þá boðar Gunnar það að hann muni opinbera heildstæða sýn sína á málið. Hann segir samskiptum sínum við FME lokið. Lyktir málsins munu ráðast fyrir dómstólum.

„Í dag sigraði Gamla Ísand Nýja Ísland," segir ennfremur í tilkynningunni.

Hægt er að lesa tilkynninguna í heild sinni hér fyrir neðan.