Mannskæð mótmæli í Afganistan í dag

Þúsundir hafa mótmælt í Afganistan í dag eftir að bandarískir hermenn brenndu nokkur eintök Kóraninum - helgasta riti Múhameðstrúaðra.

Þetta er fjórði dagur mótmælanna og jafnframt sá mannskæðasti en að minnsta kosti 12 létust í dag. Alls hafa 20 látist síðan mótmælin hófust á mánudaginn - þar af tveir bandarískir hermenn.

Talið er að hermenn hafi óaðvitandi brennt nokkur eintök af Kóraninum í brennsluofni í bandarískri herstöð í Kabúl.

Barack Obama, Bandaríkjaforseti, harmar atburðinn og hefur beðið afgönsku þjóðina afsökunar.

Yfirmaður herafla NATO í Afganistan biðlar til mótmælenda um að sína þolinmæði á meðan málið er rannsakað.

Afsökunarbeiðnirnar hafa þó borið lítinn árangur og búist við að mótmælin eigi eftir að halda áfram næstu daga.