Snjókoman heldur áfram í dag - strætó seinkar

Snjó hefur kyngt niður í allan dag á höfuðborgarsvæðinu og segir veðurfræðingur hjá Veðurstofu Íslands að búast megi við meiri snjókomu á köflum fram eftir degi.

Víða er þungfært í Reykjavík vegna fannfergis og vinna starfsmenn Reykjavíkurborgar að því að gera borgina greiðfæra. Það gengur nokkuð vel, samkvæmt frétt á vef borgarinnar. Sjötíu og fimm starfsmenn og verktakar vinna að snjóhreinsun á götum.

„Í samræmi við viðbragðáætlanir Reykjavíkurborgar var farið af stað klukkan fjögur í nótt á helstu umferðaræðar og gönguleiðir svo sem að biðstöðvum strætó. Einnig er snjór ruddur við skóla, leikskóla, sundlaugar og aðrar stofnanir borgarinnar," segir á vef Reykjavíkurborgar.

Á vef strætó segir að vegna slæmrar ferðar er hætta á seinkun á flestum leiðum í dag.

Í kvöld er spáð miklu óveðri á vestur- og norðurlandi og munu íbúar á höfuðborgarsvæðinu einnig verða var við óveðrið. Búast má við miklum skafrenningi.