Sjónvarpsþáttaröð byggð á Goodfellas í bígerð

Bandaríska sjónvarpsstöðin AMC vinnur nú að framleiðslu sjónvarpsþátta sem byggðir eru á bókinni Wiseguy en stórmyndin Goodfellas var byggða á sömu bók.

Höfundur Wiseguy, Nicholas Pileggi, mun skrifa handrit þáttanna ásamt Jorge Zamacona en hann kom að framleiðslu lögregluþáttunum vinsælu Homicide: Life on the Streets.

Goodfellas er ein lofaðasta kvikmynd allra tíma. Martin Scorsese leikstýrði myndinni en hún var tilnefnd til sex Óskarsverðlauna árið 1990.

Sjónvarpsstöðin AMC hefur framleitt þætti á borð við Mad Men, Breaking Bad og The Walking Dead en allir hafa notið gríðarlegra vinsælda.