Maðurinn í tígrabúrinu var undir áhrifum kannabis

Ungi maðurinn sem fannst látinn í búri tígrisdýra í dýragarðinum í Kaupmannahöfn í júlí var undir áhrifum vímuefna. Þetta er niðurstaða úr blóðprufum sem lögregla tók af manninum en kannabisefni fundust í blóðinu.

Lögreglan í Kaupmannahöfn segir að reykingar mannsins þurfi ekki endilega að hafa neitt að gera með þá staðreynd að hann villtist niður í búr til tígrisdýranna.

„Enn vitum við ekki nákvæmlega hvað varð til þess að maðurinn fór ofan í búrið," segir lögreglan í fréttatilkynningu.

Frá þessu er sagt á vef Berlingske tidende.