Innlent

Peningar eldri borgara fóru í fasteignafélag

Andri Ólafsson skrifar
Eir í Grafarvogi
Eir í Grafarvogi
Peningar sem áttu að fara í umönnun eldri borgara hjá Eir enduðu í rekstri fasteignafélagsins sem er að sligast undan skuldum. Fasteignafélagið skuldar elliheimilinu tæpar 150 milljónir en Ríkisendurskoðandi gagnrýnir að félögin sé rekin á sömu kennitölunni.

Eir skiptist í tvær einingar. Önnur rekur elliheimili og fær til þess fjármagn frá velferðarráðuneytinu en hin einingin, húsrektrarsjóðurinn, bygggir fasteignir og selur íbúðarétti í svokölluðum öryggisíbúðum. Það er rekstur þeirrar einingar sem hefur steypt Eir í skuldir og gert félagið tæknilega gjaldþrota.

Athugasemdir hafa verið gerðar við að reksturinn sé ekki nægilega aðskilinn en félögin eru rekin undir sömu kennitölunni.

Þetta er vandamál. Til dæmis voru fasteignir hjúkrunarheimilisins veðsettar upp í topp fyrir framkvæmdum í Grafarvogi sem hafa reynst Eir dýrkeyptar.

Og það sem alvarlegra er þá skuldar húsrekstrarfélagið hjúkrunarheimilinu meira en 100 milljónir króna. Skuld sem er tilkomin vegna sameiginlegs rekstar.

Þetta segir Sveinn Arason ríkisendurskoðandi ekki eðlilegt.

„Hjúkrunarheimili eiga ekki að vera að standa í einhverjum lánarekstri," segir hann.

Hann segir það rekstrarform hjá Eir, að blanda saman rekstri hjúkrunarheimilis og fasteignafélags, sé óheppilegt og það það eigi að vera skýr aðgreining á milli fasteignareksturs og reksturs hjúkrunarheimila.

Stjórnarformaður Eirar gagnrýndi Ríkisendurskoðanda í fréttum okkar í gær fyrir að gera ekki athugasemdir við reksturinn.

Ríkisendurskoðandi vísar þessu á bug.

„Hann var framkvæmdastjóri og er stjórnarformaður. Það er ekkert hægt að kenna Ríkisendurskoðun um það að hafa ekki varað hann við," segir Sveinn.


Tengdar fréttir

Vilhjálmur frestar stjórnarfundi Eirar

Búið er að fresta stjórnarfundi Eirar sem halda átti á morgun. Það er Vilhjálmur Þ. Vilhjálmsson, stjórnarformaður sem frestaði fundinum fram á mánudag en mikil ólga er í hjúkrunarheimilinu eftir að ljóst varð að Eir er tæknilega gjaldþrota.

Ævisparnaðurinn í hættu: Greinilega mjög alvarlegt mál

"Mín skoðun er sú að þetta eigi ekki að bitna að neinu leyti á þjónustu við íbúana á hjúkrunarheimilinu," segir Jóna Valgerður Kristjánsdóttir, formaður Landssambands eldri borgara um þá grafalvarlegu stöðu sem er komin upp í hjúkrunarheimilinu Eir.

Vilja að stjórn Eirar segi af sér

Íbúahreyfingin í Mosfellsbæ krefst þess að stjórn Eirar axli ábyrgð á greiðsluþroti stofnunarinnar með því að víkja. Eir skuldar átta milljarða, þar af eiga heimilismenn tvo milljarða sem þeir hafa lagt inn sem búsetutryggingu. Þeir fjármunir kunna að glatast að mati hreyfingarinnar en einn úr hreyfingunni, Þórður Björn Sigurðsson, er varabæjarfulltrúi í Mosfellsbæ, sem er eitt af sveitarfélögunum sem kemur að rekstri hjúkrunarheimilisins.

"Auðvitað líður mér ekki vel yfir þessu“

Stjórnarformaður Eirar segist miður sín yfir þeirri stöðu sem upp er kominn hjá félaginu en segist þó ekki ætla að víkja. Hann vissi af fjárhagserfiðleikum fyrir tæpu einu og hálfu ári en tókst ekki að bjarga málum.

Funda í dag um alvararlega fjárhagsstöðu Eirar

Stjórn Eirar fundar í dag með íbúum um slæma fjárhagsstöðu félagsins. Íbúum hefur verið skipaður lögmaður til að gæta hagsmuna þeirra í þeim samningaviðræðum sem framundan eru.

Áttræður íbúi á Eir sér fram á missa ævisparnaðinn

Áttræður íbúi á hjúkrunarheimilinu Eir sér fram á að missa ævisparnaðinn ef félagið verður gjaldþrota. Honum brá þegar hann heyrði hversu slæm staða félagsins var og vill fá svör við því hvernig svona gat farið.

Björn Valur um Eir: Lítur út eins og skipulögð glæpastarfsemi

Björn Valur Gíslason, þingmaður VG, vill að stjórnendur hjúkrunarheimilisins Eirar verði kærðir til lögreglu og segir að staða heimilisins sé ekki bara dæmi um tæra spillingu, heldur lítur út fyrir að um sé að ræða skipulagða glæpastarfsemi.

Stjórnin verði beðin að víkja

Ríkisendurskoðun hefur hafnað beiðni stjórnar hjúkrunarheimilisins Eirar um að taka út starfsemi og rekstur þess. Ríkisendurskoðun telur það ekki í sínum verkahring.

Alvarlegir fjárhagserfiðleikar hjá Eir

Hjúkrunarheimilið Eir er í miklum rekstrarvanda. Stjórn þess hefur fengið utanaðkomandi sérfræðinga til þess að fara yfir reksturinn og leggja fram tillögur til að koma í veg fyrir að félagið fari í þrot.

Gagnrýnir Ríkisendurskoðanda harðlega vegna Eirar-málsins

Valgerður Bjarnadóttir, þingmaður Samfylkingarinnar, gagnrýndi Ríkisendurskoðanda harðlega á þingi í dag þar sem rætt var um störf þingsins. Ástæðan var sú að Ríkisendurskoðun telur sig ekki heimilt að rannsaka málefni Eirar eins og farið var fram á en var svo hafnað af Ríkisendurskoðanda í gær.

Villi er sagður hafa leynt upplýsingum

Vilhjálmur Þ. Vilhjálmsson, fyrrverandi framkvæmdastjóri Eirar og núverandi stjórnarformaður, er sagður hafa leynt upplýsingum um slæma fjárhagsstöðu hjúkrunarheimilsins. Það hafi gert það að verkum að vandamálið uppgötvaðist mun seinna en ella.

Mest lesið


Fleiri fréttir

Sjá meira


×

Mest lesið