Ísak veldur manntjóni

Ríkisstjórinn í Flórída hefur lýst yfir neyðarástandi vegna hitabeltisstormsins Ísaks sem stefnir nú á ríkið. Ísak virðist vera að breytast í fellibyl og gæti valdið miklu tjóni þegar hann nær Flórída.

Stormurinn gekk yfir Haiti og Kúbu í nótt. Hingað til hefur Rauði krossinn á Kúbu fundið sex látna af völdum hamfaranna. Þeirra á meðal eru tvær ungar stúlkur sem urðu undir vegg. Einnig er nokkurra manna saknað í Dóminíska Lýðveldinu.

Ísak gengur á land í Flórída á eftir. Þar eru íbúar töluvert vanir fárviðrum af þessum toga. Sú reynsla hefur þó ekki komið í veg fyrir að fjöldi íbúa haldi brott af svæðinu nú þegar von er á Ísaki, en mikil umferð hefur verið brott af svæðinu frá því í gær.

Frá þessu er sagt á vef The Guardian.