Móðgaði Harald konung

Talsvert uppnám hefur orðið í Noregi eftir að norska Dagbladet hélt því fram að Jens Stoltenberg forsætisráðherra hefði komið í veg fyrir að Haraldur konungur sæmdi hermenn heiðursmerkjum á degi uppgjafahermanna síðastliðinn sunnudag.

 

Bæði fyrrverandi forsætisráðherrar og háttsettir hermenn hafa tjáð sig um þetta og eru sammála um að Stoltenberg hafi hlaupið á sig. Sama má segja um lesendur norska blaðsins Aftenposten en yfirgnæfandi meirihluti þeirra sem tjá sig hundskamma ráðherrann. Hvorki Stoltenberg né Haraldur konungur hafa tjáð sig um málið.