Græningjar ákveða hvort þeir halda áfram

Græningjar á Írlandi ákveða í dag hvort þeir ætli að halda áfram þátttöku í ríkisstjórn landsins með Fianna Fail flokknum. Ef flokkurinn dregur sig í hlé í ríkisstjórnarsamstarfinu munu kosningar verða haldnar í næsta mánuði, en áður hafði verið gert ráð fyrir að þær yrðu þann 11. mars.

Græningjar funda í dag til að fara yfir stöðuna eftir að Brian Cowen, forsætisráðherra Írlands, ákvað í gær að segja af sér formennsku í Fianna Fail. Hann sagði af sér formennsku eftir mikinn þrýsting frá flokksfélögum sínum, en Cowen hefur glímt við efnahagskreppu Írlands og óeiningu innan flokks síns að undanförnu.