Elizabeth Taylor mætti of seint í eigin jarðarför

Stórleikkonan Elizabeth Taylor var í gær jörðuð í kirkjugarði í útjaðri Los Angeles borgar, aðeins einum degi eftir að hún lést. Taylor var 79 ára gömul og lést af völdum hjartabilunar. Jarðarförin hófst fimmtán mínútum of seint miðað við auglýstan tíma, en það hafði Taylor sjálf sérstaklega beðið um, að því er upplýsingafulltrúi hennar segir. Þannig tókst henni að verða sein í sína eigin jarðarför.

Um fimmtíu fjölskyldumeðlimir voru viðstaddir athöfnina sem var að hætti gyðinga, og barnabarn hennar lék á trompet.