Taarabt segir United á eftir sér

Adel Taarabt, miðjumaður Queens Park Rangers, segir að Manchester United hafi áhuga á sér. Taarabt hefur verið frábær á miðjunni hjá QPR í vetur en liðið er í efsta sæti ensku 1. deildarinnar.

Það vantar ekki sjálfstraustið hjá Taarabt sem er tilbúinn til að fara til rauðu djöflanna í sumar en hann kom til QPR frá Tottenham á síðasta ári.

„Ég ræddi um félagskipti eftir leikinn gegn Coventry. Ég er tilbúinn til að fara til Manchester United. Við sjáum til seinna á leiktíðinni, vonandi náum við í QPR markmiðum okkar með að komast upp. Mér líkar lífið í Englandi og ég er ekki á móti þeirri hugmynd að halda áfram hjá Manchester United."