Sjálfsvíg hafa áhrif á fasteignaverð

Hæsta tíðni sjálfsvíga í heiminum er í Japan en þar eru um hundrað sjálfsmorð framin á degi hverjum. Ekki einungis hafa sjálfsvígin augljós tilfinningaleg áhrif á þá sem standa þeim næst heldur fylgja þeim jafnframt oft á tíðum veruleg fjárútlát fyrir fjölskyldur þeirra. Fáir vilja búa í íbúðum þar sem sjálfsvíg hafa verið framin og því telja leigusalar sig eiga kröfur á eftirlifandi aðstandendur vegna þess tekjumissis.

Á vef bbc kemur fram að faðir stúlku neyddist til að greiða leigusala hennar sem samsvarar rúmlega 3,5 milljónum íslenskra króna eftir að hún framdi sjálfsmorð og dæmi eru um að íbúðir hafi selst á einungis helmingi markaðsverðs. Af þeim sökum sérhæfa sumir fasteignasalar sig í sölu slíkra íbúða.