Falsaði eigin mannrán

Brasílíski fótboltamaðurinn Somalia hefur verið ákærður fyrir að tilkynna lögreglu um mannrán sitt sem aldrei átti sér stað. Somalia hélt því fram að vopnaðir menn hefðu numið hann á brott klukkan sjö að morgni á leið sinni á fótboltaæfingu.

Upptökur öryggismyndavéla nálægt heimili hans sýna hann þó hlaupa út úr húsi sínu klukkan níu að morgni, alltof seinan á fótboltaæfingu en knattspyrnufélag hans Botafogo hótar leikmönnum sínum 40% launlækkun ef þeir mæta of seint á æfingu.

Því telur lögreglan að hann hafi reynt að komast hjá þessari tekjuskerðingu með því að ljúga til um að honum hafi verið rænt.