Um tuttugu þúsund manns detta úr rúminu sínu á hverju ári

Um tuttugu þúsund manns þurfa að leita sér aðstoðar á sjúkrahúsi á Englandi á ári hverju eftir að hafa dottið fram úr rúminu sínu í svefni. Um 6400 manns þurfa að leita sér aðstoðar á spítala eftir að hafa dottið úr stiga.

Um 1200 manns detta úr trjám á hverju ári og 170 manns detta fram af klettum.

Í heildina eru það 460 þúsund tilvik sem koma inn á bráðamóttökur á Englandi á hverju ári sem flokkast undir „Fall."

Stærsti hópurinn sem þarf að leita sér aðstoðar eftir ýmis konar fall, eru konur 80 ára og eldri. Hvort þær falla úr trjám eða rúmum, fylgir ekki sögunni.