Spjaldtölvum um að kenna

Sala á einkatölvum dróst saman um 1,1 prósent á heimsvísu á fyrsta fjórðungi ársins, samkvæmt upplýsingum markaðsrannsóknafyrirtækisins Gartner. Salan hefur ekki verið daprari í eitt og hálft ár.

Þetta er þvert á spár, en reiknað hafði verið með þriggja prósenta söluaukningu. Talið er að aukinn áhugi á spjaldtölvum skýri málið þótt framleiðslutafir af völdum jarðskjálftans í Japan kunni að vega þungt.

Salan dróst saman um 6,1 prósent í Bandaríkjunum en jókst í Asíu og Mið- og Suður-Ameríku. - jab