Innlent

Deilt um sakhæfi Gunnars Rúnars

Jón Hákon Halldórsson skrifar
Sigríður Elsa Kjartansdóttir flytur málið fyrir hönd ákæurvaldsins.
Sigríður Elsa Kjartansdóttir flytur málið fyrir hönd ákæurvaldsins.
Í máli ákæruvaldsins gegn Gunnari Rúnari Sigurþórssyni er aðallega deilt um sakhæfi Gunnars, sagði Sigríður Elsa Kjartansdóttir saksóknari í málflutningi sínum fyrir Héraðsdómi Reykjaness í dag. Vitnaleiðslur báru þessa klárlega merki í dag, enda voru fjögur vitni og þar af þrír geðlæknar. Gunnar Rúnar hefur játað morðið á sig á fyrri stigum þess og vildi ekki bæta neitt við þann framburð í dag.

Sigríður Elsa sagði að ákæruvaldið færi fram á að Gunnar Rúnar yrði metinn sakhæfur og dæmdur samkvæmt því en til vara að hann yrði dæmdur til vistunar á viðeigandi stofnun. Sigríður Elsa vakti athygli á því að mat geðlæknanna væri ekki að öllu leyti sambærilegt. Til dæmis hefði Helgi Garðar Garðarsson komist að þeirri niðurstöðu að Gunnar Rúnar væri með tvískiptan persónuleika. Tveir geðlæknar sem gerðu yfirmat hefðu ekki komist að þeirri niðurstöðu. Framburður Gunnars Rúnars fyrir í skýrslutöku hjá lögreglu benti heldur ekki til þess.

Þá sagði saksóknari að í mati geðlækna kæmi fram að Gunnar Rúnar væri haldinn geðsjúkdómum til langframa sem stýri gerðum hans „Það er dálítið á skjön við framburð ákærð a," sagði Sigríður Elsa. Máli sínu til stuðnings benti hún á að fyrir morðið hafi Gunnar Rúnar alltaf verið að bíða eftir því að eitthvað stoppaði hann. Hann virðist því algerlega hafa gert sér grein fyrir því sem var rétt og rangt á þeim tíma.




Tengdar fréttir

Fór að huga að morði eftir gerð YouTube myndbandsins

Hugmynd Gunnars Rúnars Sigurþóssonar um að losna við Hannes Þór Helgason virðist hafa sprottið upp eftir að hann setti myndband á YouTube með ástarjátningu til hennar til unnustu Hannesar. Þetta kom fram í máli Tómasar Zoega geðlæknis sem gerði yfirmat á Gunnari Rúnari Sigurþórssyni ásamt Kristni Tómassyni geðlækni.

Aðkoman á morðstað föst í huga Hildar

„Mér líður ógeðslega illa - persónan sem ég var er bara horfin," sagði Guðlaug Matthildur Rögnvaldsdóttir, unnusta Hannesar Þórs Helgasonar, við vitnaleiðslur í héraðsdómi í morgun. Guðlaug Matthildur, sem kölluð er Hildur, var niðurlút þegar hún gekk inn í dómssalinn.

Gunnar Rúnar svarar engu - víkur úr dómsal

Gunnar Rúnar Sigurþórsson svarar engum spurningum við aðalmeðferð sem nú stendur yfir þar sem hann er ákærður fyrir að hafa orðið Hannesi Þór Helgasyni að bana. Lögmaður Gunnars, Guðrún Sesselja Arnardóttir, tilkynnti við upphaf aðalmeðferðarinnar í morgun að hann myndi nýta sér rétt sinn til að svara engum spurningum heldur aðeins staðfesta lögregluskýrslur. Gunnar Rúnar óskaði eftir að víkja úr dómsal á meðan aðalmeðferðin stendur yfir, utan þess þegar hann staðfestir lögregluskýrslur, og var orðið við þeirri beiðni. Að þessu loknu var gert stutt hlé á þinghaldi en næst á dagskrá er skýrslutaka af geðlæknum.

Djúpstæð sektarkennd vegna morðsins

Gunnar Rúnar Sigurþórsson þroskaðist eðlilega sem ungt barn en varð fyrir hörmulegu áfalli þegar faðir hans svipti sig lífi. Þetta sagði Helgi Garðar Garðarsson geðlæknir sem gerði geðrannsókn á Gunnari Rúnari eftir að hann var handtekinn vegna morðsins á Hannesi Þór Helgasyni í ágúst. Helgi Garðar bar vitni í dómnum í morgun. Helgi Garðar telur Gunnar Rúnar vera ósakhæfan og vill að hann sæti öryggisgæslu.

Mest lesið


Fleiri fréttir

Sjá meira


×

Mest lesið