Adam Johnson frá í þrjá mánuði

Manchester City hefur orðið fyrir áfalli því enski kantmaðurinn Adam Johnson mun ekki leika með liðinu næstu þrjá mánuði vegna meiðla.

Johnson varð fyrir meiðslum á liðböndum í ökla í æfingu í vikunni og var af þeim sökum ekki í leikmannahópi City í dag gegn Notts County í bikarnum.

Johnson kom til City frá Middlesborugh á síðustu leiktíð og þykir vera framtíðarleikmaður í enska landsliðinu. Hann verið í byrjunarliði City að undanförnu en hann kostaði félagið um sjö milljónir punda. Johnson hefur skorað þrjú mörk á leiktíðinni fyrir City.