Ríkari krafa um að villidýr verði látin í friði

Harmleikurinn í Zanesville í Ohio í Bandaríkjunum í dag, þar sem fjölda villidýra var sleppt, svo elt aftur uppi og skotin, veldur því að ríkari krafa verður um að einstaklingum verði bannað að halda slík dýr. Greint var frá því í dag að karlmaður á sjötugsaldri hefði hleypt dýrunum, sem hann hélt á bóndabýli sínu, út úr prísund sinni. Um var að ræða ljón, tígrisdýr og birni, svo fátt eitt sé nefnt. Maðurinn fyrirfór sér síðan.

„Villt dýr eiga að fá að vera villt," sagði Adam Roberts, varaforseti Born Free USA, sem eru dýraverndarsamtök. Samtökin berjast gegn því að villt dýr séu fönguð og lokuð inni. „Þetta þýðir að einstaklingar eigi ekki að fá að hafa villt dýr sem gæludýr. Það stefnir dýrunum í hættu og þeim sem eru í nágrenni þeirra.