Milljónir óttast um líf Mandela

Milljónir Suður Afríkubúa óttast nú um líf Nelsons Mandela eftir að hinn ástsæli fyrrverandi þjóðarleiðtogi var lagður inn á sjúkrahús í Jóhannesarborg í gær.

Fyrrverandi eiginkona hans, Winnie Madikizela-Mandela, og fleiri fjölskyldumeðlimir sáust yfirgefa sjúkrahúsið þar sem hann liggur í dag og mun Winnie hafa verið grátbólgin þegar að hún gekk þaðan út.

Stofnun Nelsons Mandela segir reyndar að hann sé við góða heilsu og að Mandela hafi bara farið í reglubundna læknisskoðun. En Reuters fréttastofan fullyrðir hins vegar að annað lungað í Mandela hafi fallið saman. Til standi að hann verði útskrifaður af sjúkrahúsi á morgun og ríkisstjórn Suður - Afríku hvetur fólk til að róa sig.

Nelson Mandela, sem er 92 ára gamall, er fyrrverandi forseti Suður Afríku eins og fyrr segir. Hann hlaut friðarverðlaun Nóbels árið 1993.