Læsti eiginkonuna í kjallaranum í átta ár

Brasilíska lögreglan handtók karlmann í Brasilíu fyrir að halda konu sinni, sem er á sjötugsaldri, fanginni í kjallara á heimili þeirra í átta ár. Maðurinn sagði ástæðuna andlegir kvillar eiginkonunnar.

Lögreglan í Sao Paolo í Brasilíu tilkynnti í gær að hún hefði handtekið 64 ára gamlan mann fyrir að halda eiginkonu sinni fanginni í mykrum kjallara á heimili þeirra í átta ár.

Lögreglan fékk nafnlausa ábendingu um að konunni væri haldið nauðugri í kjallaranum. Þegar lögreglan kom svo á heimili mannsins fundu þeir konuna liggjandi nakta á steingólfi kjallarans. Stálhlið varnaði henni að komast í burtu.

Lögreglan lýsti aðstæðum þannig að kjallarinn hefði verið skítugur, úrgangur úr konunni hefði legið á gólfinu og köngulóavefir þakið veggina. Aðstæður voru ekki einu sinni dýrum bjóðandi að sögn brasilísku lögreglunnar.

Maðurinn sagðist hafa læst konunni í kjallara vegna andlegra kvilla og árásahneigðar. Lögreglan staðfesti að konan væri andlega veik, en alls ekki árásagjörn. Hún dvelur nú hjá uppkomnum syni sínum.