Grétar Rafn meiddur á hné og frá í þrjár til fjórar vikur

Grétar Rafn Steinsson var ekki með Bolton í sigrinum á Wolves í ensku úrvalsdeildinni í gær og íslenski landsliðsbakvörðurinn verður heldur ekki með liðinu í næstu leikjum.

Grétar Rafn glímir við hnémeiðsli og það kemur fram í viðtali við hann á fótbolti.net að hann verði frá keppni næstu þrjár til fjórar vikur. Hann fór í aðgerð síðasta sumar en fór aftur að finna fyrir í hnénu.

„Ég var látinn spila Chelsea leikinn og fór of snemma af stað," sagði Grétar við Fótbolta.net í dag.

Grétar Rafn hefur misst af ellefu af síðustu þrettán leikjum Bolton en hann hefur alls spilað 14 deildarleiki á tímabilinu.