Meiri spilling á Íslandi en á hinum Norðurlöndunum

Ísland lendir í þrettánda sæti á spillingarlista Transparancy International en samtökin gefa árlega út listann þar sem löndum er raðað eftir því hve mikil spilling þrífst þar. Í ár mælist minnsta spillingin á Nýja Sjálandi og þar á eftir koma Norðurlöndin Danmörk, Finnland og Svíþjóð. Í fimmta sæti er Singapúr og Norðmenn ná sjötta sætinu. Íslendingar eru því samkvæmt þessum mælikvarða töluvert spilltari en frændur okkar á Norðurlöndunum. Í sætunum fyrir neðan koma lönd á borð við Þýskaland, Japan og Austurríki.

Neðst á listanum í sæti númer 182 kemur Sómalía og raunar deila Norður Kóreumenn því sæti með Sómölum. Þar fyrir ofan koma Myanmar, Afganistan og Uzbekistan.

Hér má kynna sér niðurstöður Transparancy International betur.