Þúsundir mótmæltu Mubarak

Þúsundir manna söfnuðust saman á götum Kairó, höfuðborgar Egyptalands í dag, og kröfðust afsagnar Hosni Mubaraks, forseta landsins.

Mikill viðbúnaður er hjá lögreglu en ekki hefur komið til átaka að því fram kemur á vef breska ríkisútvarpsins, BBC. Mótmælin voru skipulögð á Facebook en skipuleggjendur líta meðal annars til mótmælanna í Túnis sem urðu til þess að Zine El Abidine Ben Ali, forseti, hraktist frá völdum.

Margir óttast að mótmælin mun stigmagnast og að til átaka komi. Hosni Mubarak hefur setið á valdastóli í þrjátíu ár eða frá árinu 1981.