Gaddafi kannast ekki við mótmæli

„Fólkið mitt elskar mig. Það myndi láta lífið til þess að vernda mig," sagði Muammar Gaddafi , forseti Líbíu, í samtali við Christiane Amanpour, fréttamann hjá bandarísku fréttastofunni ABC. Samkvæmt frásögn Amanpour af samtalinu á Twitter neitaði Gaddafi því jafnframt að mótmæli hefðu átt sér stað á götum Tripoli, höfuðborgar Líbíu.

Öryggisráð Sameinuðu þjóðanna samþykkti í gær að vísa blóðugum árásum liðsmanna Gaddafi á mótmælendur til stríðsglæpadómstólsins til að rannsaka hvort mögulega hafi átt sér stað glæpir gegn mankyninu.