Læknar segjast vera bjartsýnir

 Átta manns eru enn á sjúkrahúsi eftir skotárásina í Tucson í Arizona á laugardag. Þingkonan Gabrielle Giffords er enn í lífshættu og fimm aðrir eru þungt haldnir.

Kúla úr byssu árásarmannsins, Jared Loughner, fór inn í hnakka þingkonunnar vinstra megin, beint í gegnum höfuðið og út um ennið vinstra megin.

Læknar segjast bjartsýnir á að hún nái sér að hluta, og hafa til marks um það að bólgur í heilanum séu hættar að aukast. Þá segja þeir skárra að skemmdir urðu einungis öðru megin í heilanum frekar en báðum megin.- gb