Ætlar að vinna Messi og fara svo til AC Milan

Brasilíski landsliðsmaðurinn Ganso hjá Santos er æstur í að spila fyrir AC Milan og hefur nú beðið félagið um að kaupa sig. Áður en Ganso fer til Ítalíu stefnir hann á að vinna Lionel Messi.

"Draumurinn er að vinna Messi í heimsmeistarakeppni félagsliða og fara svo til Ítalíu í janúar," sagði Ganso en Santos gengur illa að halda í sína bestu menn enda er Neymar væntanlega einnig á förum.

Adriano Galliani, stjórnarformaður Milan, er hrifinn af leikmanninum.

"Ég er virkilega hrifinn af þessum leikmanni," sagði Galliani.