Taylor ekki við lokasprettinn

Réttarhöldunum yfir Charles Taylor, fyrrverandi einræðisherra Líberíu, ætlar að ljúka með sama hætti og þau hófust, nefnilega með því að sakborningurinn mætir ekki í réttarsalinn og segir réttarhöldin ósanngjörn og runnin undan pólitískum hvötum.

Courtenay Griffiths, hinn breski lögmaður Taylors, rauk út úr réttarsalnum þegar dómararnir neituðu að samþykkja sex hundruð blaðsíðna samantekt hans á því sem fram hefur komið í réttarhöldunum undanfarin þrjú ár, frá sjónarhóli hins ákærða.

Taylor neitaði sömuleiðis að fara aftur inn í réttarsalinn eftir næsta réttarhlé eftir þetta.

Taylor er sakaður um stríðsglæpi og glæpi gegn mannkyninu.- gb