Framleiðsla á þáttunum Two and a Half Men stöðvuð

Búið er að stöðva framleiðslu á sjónvarpsþáttunum Two and Half Men þar sem Charlie Sheen leikur aðalhlutverkið.

Ástæðan er að Sheen hringdi inn í símatíma á vinsælum útvarpsþætti og notaði tækifærið til að hrauna yfir þá sem stjórna gerð sjónvarpsþáttanna. Jafnframt notaði hann tækifærið til þess að hnýta í AA samtökin og sagðist aldrei verða meðlimur í þeim.

Framleiðendur þáttanna ákváðu þá að þeir hefðu fengið nóg af Sheen. Leikarinn hélt nýlega mikla kynsvalls- og dópveislu í hótelíbúð sem endaði með því að flytja þurfti hann á gjörgæsludeild með alvarlegan magakrampa.