Fær Ísland atkvæðisrétt næst þegar kosið verður um gestgjafa HM?

Sepp Blatter, forseti FIFA, vill breyta fyrirkomulaginu þegar sambandið ákveður hvar heimsmeistarakeppnir sínar fari fram í framtíðinni. Hingað til hefur 24 manna framkvæmdanefnd FIFA gert upp á milli framboða en eftir miklar ásakanir um spillingu innan hennar þá vill Blatter að öll aðildarlönd FIFA fái atkvæðisrétt.

Blatter sagði frá þessari hugmynd sinni í ræðu sinni á FIFA-þinginu í morgun en alls eru 208 þjóðir aðilar af FIFA. Ísland fengi þá atkvæðisrétt þegar næsti leikstaður HM verður ákveðinn.

Blatter er tilneyddur til að gera breytingar á fyrirkomulaginu en það varð allt vitlaust í Englandi þegar enska framboðið fékk aðeins 2 atkvæði í fyrstu umferð þegar framkvæmdanefndin ákvað hvar HM 2018 færi fram.

Það er reyndar langt þar til að FIFA velur næst gestgjafa á HM þar sem að það er búið að ákveða að HM 2014 fari fram í Brasilíu, HM 2018 fari fram í Rússlandi og HM 2022 fari fram í Katar.

Næst verður ákveðið hvar HM 2026 fari fram en það sú ákvörðun verður líklega ekki tekin fyrr en 2018 en þá verður fjórða og síðasta kjörtímabili Blatter löngu lokið.