Suarez stóðst læknisskoðun hjá Liverpool

Það virðist fátt koma í veg fyrir að Úrúgvæinn Luis Suarez gangi til liðs við Liverpool á morgun. Hann undirgekkst læknisskoðun hjá félaginu helgina og stóðst hana samkvæmt yfirlýsingu á heimasíðu Liverpool.

Suarez kostar Liverpool litlar 26,5 milljónir evra en hann kemur til félagsins frá Ajax. Hann sló í gegn með landsliði Úrúgvæ á HM í sumar en liðið varð í fjórða sæti.

„Luis Suarez hefur staðist læknisskoðun og samið hefur verið um persónulegar kröfur leikmannsins. Við búumst við að ljúka því sem eftir er af pappírsvinnunni á morgun," segir í yfirlýsing á heimasíðu Liverpool.