Pilla kemur í veg fyrir drykkjulæti

Hópur bandarískra og ástralskra vísindamanna vinnur nú að þróun pillu sem gerir það kleift að hægt er að innbyrða mikið magn áfengis án þess að missa stjórn á hegðun sinni.

Lyfið sem um ræðir byggir á tilraunum sem hafa sýnt fram á að áhrif áfengis á heilastarfsemi eru tvenns konar. Annars vegar hefur áfengi áhrif á taugafrumur og hins vegar áhrif á frumur í heilanum sem tengjast ónæmiskerfinu.

Lyfið virðist koma í veg fyrir síðari áhrifin, sem valda því meðal annars að ölvað fólk á erfitt með gang og tal.

Við tilraunir sýndu mýs sem fengu lyfið engin merki ölvunar þrátt fyrir að hafa verið gefið mikið magn áfengis. - mþl