Innlent

Níumenningarnir í héraðsdómi - vildu bæta lyktina í dómssal

SB skrifar

Dómsalur 101 er þéttsetinn í héraðsdómi. Færri komust að en vildu en ekki var sami fjöldi í dag og við þingsetningu málsins. Athygli vakti að hópur fólks, þar á meðal sakborningar, báru á sig ilmolíu áður en réttarhöldin hófust, að þeirra sögn til að dómsalur myndi lykta betur.

Fyrsti sakborningurinn, Ragnheiður Ester er kölluð fram til að bera vitni. Hún er spurð um tilgang aðgerðanna. „Að sjást," segir hún, „og láta heyra í mér." Spurð hvort tilgangurinn hafi verið að trufla störf Alþingis svarar hún neitandi. „Ekkert sérstaklega,“ segir hún.

Ragnheiður er sú fyrsta úr hópi mótmælenda sem ber vitni. Heyra mátti fliss í salnum þegar hún var spurð hvernig hún var klædd umræddan dag og svaraði því til að hún hefði verið í gallabuxum og leðurjakka.










Tengdar fréttir

Níumenningarnir í héraðsdómi - saka lögregluna um hrottaskap

Níumenningarnir hafa við vitnaleiðslur í morgun flestir kvartað undan harðræði lögreglunnar. Sólveig Anna Jónsdóttir sagði lögregluna hafa snúið upp á hendur hennar. Hún hafi kvartað undan sársauka og lögreglan hafi svarað: "Ef þú segir okkur kennitölu þína þá sleppi ég þér." (10:28)

Níumenningarnir í héraðsdómi - hlegið og flissað í dómssal

Ljósin voru slökkt í dómssalnum og myndband af innrás níumenninganna inn í alþingi sýnt. Heyra mátti hlátur og fliss hjá áhorfendum og sakborningum sem horfðu á atburðinn örlagaríka. Vitnið Jón Benedikt Hólm sagðist hafa ætlað að gleðja þingmenn umræddan dag.

Níumenningarnir - aðalmeðferð hafin

Aðalmeðferð í máli ríkissaksóknara gegn níumenningunum svokölluðu sem ákærð eru fyrir árás á Alþingi hófst í Héraðsdómi Reykjavíkur klukkan 9.15. Gert er ráð fyrir að aðalmeðferðin muni standa yfir í þrjá daga.

Níumenningarnir í héraðsdómi - sönnunargögn klippt til?

Einn níumenninganna gerði athugasemdir við myndband sem sýnir meinta innrás þeirra á Alþingi. Hann sagði myndbandið klippt á þeim stað þar sem lögreglan mætir til leiks og varpaði fram þeirri spurningu hvort átt hefði verið við sönnunargögn.

Mest lesið


Fleiri fréttir

Sjá meira


×

Mest lesið