Þjóðverjar verðlauna Travolta

Bandaríski leikarinn John Travolta hlýtur virt þýsk kvikmyndaverðlaun í ár. Um er að ræða verðlaun í flokki leikara utan Þýskalands.

„Þetta er mikill heiður fyrir mig," segir Travolta sem er fullur tilhlökkunar en hann mun taka á móti verðlaununum, Gullnu myndavélinni, í byrjun næsta mánaðar í Berlín. Áður hafa leikarar á borð við Bruce Willis, Nicolas Cage og Richard Gere hlotið verðlaunin.

„Síðustu mánuðir hafa verið frábærir hjá mér og fjölskyldu minni," segir leikarinn. Travolta og eiginkona hans Kelly Preston eignuðust dreng í nóvember á síðasta ári sem fékk nafnið Benjamin. Hann er þriðja barn hjónanna. Fjölskyldan mun mæta með Travolta til Berlínar.