Neville hissa á öllu hrósinu

Gary Neville segir að allt hrósið sem hann sé að fá þessa dagana komi honum á óvart. Hann er þrátt fyrir það afar þakklátur fyrir allt hrósið.

Neville hætti frekar óvænt í vikunni eftir rúmlega 600 leiki fyrir United og 85 landsleiki fyrir England.

"Á 20 ára ferli var mér reglulega slátrað en um leið og ég hætti byrjar fólk að hrósa mér," sagði Neville hlæjandi í samtali við Sky.

"Svona gerist víst í bransanum. Ég hlakka til mánudagsins er við getum byrjað nýtt líf og United haldið áfram að vinna," sagði Neville sem mun líklega starfa áfram fyrir Man. Utd.