Aron og Hermann spiluðu í 90 mínútur

Íslenskir knattspyrnumenn voru í eldlínunni í ensku B og C-deildunum í dag og áttu þeir misjöfnu gengi að fagna.

Aron Einar Gunnarsson lék allan leikinn fyrir Coventry sem tapaði fyrir Leeds, 1-0, í ensku B-deildinni.

Hermann Hreiðarsson lék einnig allan tímann fyrir Portsmouth sem nældi í dramatískt jafntefli gegn Derby með því að skora á lokamínútu leiksins.

Kári Árnason lék allan tímann í vörn Plymouth sem mátti þola tap gegn Brentford, 2-0, í ensku C-deildinni.

Jóhannes Karl Guðjónsson var í byrjunarliði Huddersfield og lék fyrstu 73 mínútur leiksins gegn Exeter sem vannst, 1-4.