Tvær klukkustundur í að horfa á klám

Ungir menn á aldrinum átján til tuttugu og fjögurra ára eyða að meðaltali tveimur klukkustundum á viku í að horfa á klámefni á internetinu, en jafnöldrur þeirra aðeins um korteri. Þetta kemur fram í könnun sem fréttaþátturinn Newsbeat í Breska ríkisútvarpinu framkvæmdi á dögunum, og tók til þúsund ungra manna og kvenna.

Einn af hverjum fjórum mönnum óttast að hann eyði of miklum tíma í að horfa á klám, en sama hlutfall sagði að klámneyslan drægi úr áhuga þeirra á kynlífi með öðrum. Þá sýndi könnunin fram á að þriðjungur ungra manna óttaðist að hafa komið maka sínum í uppnám með klámnotkun sinni, en það hlutfall var ennþá hærra hjá þeim sem nota klám mikið.