Lítur nýi Iphone-síminn svona út?

Margir bíða spenntir eftir nýjustu útgáfunni af Iphone-símanum sem hefur verið mjög vinsæll síðustu ár.  Apple, fyrirtækið sem framleiðir símann, segir ekki orð  og hefur ekkert gefið út um það hvort að ný sími sé væntanlegur á markað bráðlega og hvað þá hvernig nýi síminn muni líta út.

Talið er víst að Apple kynni nýjan síma í haust að minnsta kosti og nú hafa einhverjir netverjar birt mynd af væntanlegum síma og segja að svona líti Iphone 5.0 út. Þeir segja að Apple muni halda kynningu á símanum um miðjan ágúst en búast má við því að nýi síminn verði töluvert tæknivæddari og þróaðri en þeir gömlu.

Nú er bara að bíða og sjá hvort að netverjar hafi rétt fyrir sér.